ممبئی (این این آئی) بالی ووڈ سپرسٹار سلمان خان نے فلم سلطان میں کردار کو بہتر طریقے سے نبھانے کیلئے اپنے جسم کو دیسی پہلوان کے روپ میں ڈھال لیا ہے، ماہرین صحت کے مطابق اداکار کے اس انداز میں وزن میں اضافے سے ان کے اعصاب پر برا اثر پڑ سکتا ہے۔ تاہم اداکار ان سب باتوں کو پس پشت ڈالتے ہوئے صرف اپنے کام پر توجہ دینے میں مشغول ہیں۔میڈیا رپورٹس کے مطابق اداکار سلطان میں دیسی کشتی کے مناظر میں لنگوٹ پہن کر اکھاڑے میں کشتی کرتے نظر آئینگے، سلمان خان سلطان کیلئے کئی ایک کشتی اور مارشل آرٹس کے مناظر فلمبند کروا چکے ہیں۔ سلمان خان کی فلم سلطان آئندہ سال عید کے موقع پر نمائش کیلئے پیش کی جائیگی۔