کراچی(نیوز ڈیسک) ڈکیتی کی واردات میں معروف کامیڈین روف لالا کو لوٹ لیا گیا۔نجی ٹی وی کے مطابق ملک کے معروف کامیڈین کو کراچی میں ڈاکووں نے لوٹ لیا جس میں ان سے نقدی رقم چھین لی گئی۔ اداکار اے ٹی ایم سے نقدی رقم لے کر نکلے تو گھات لگائے ڈاکووں نے ان کا پیچھا کیا اور اسلحہ کے زور پر نقدی چھین کر فرار ہوگئے۔اداکار کا کہنا ہے کہ ڈاکووں نے انہیں بھیڑ میں دیدہ دلیری سے لوٹا۔واضح رہے کہ اداکارکا شمار پاکستان کے نامور کامیڈینز میں ہوتا ہے جب کہ وہ بھارت سمیت کئی ممالک میں کامیڈی شوز بھی کرچکے ہیں