ممبئی (نیوز ڈیسک )بالی وڈ اداکار رنویر سنگھ نے فلم ’‘باجی راﺅ مستانی“ کو اپنی زندگی کی سب سے مشکل فلم قرار دیتے ہوئے انکشاف کیا ہے کہ انہوں نے فلم کے لیے کوئی معاوضہ نہیں لیا۔بالی وڈ لائف کی ایک رپورٹ کے مطابق رنویر فلم ’باجی راو¿ مستانی‘ کے لیے کوئی معاوضہ نہیں لیں گے بلکہ وہ اس کے منافع سے اپنا حصہ لیں گے۔تفصیلات کے مطابق فلم ’باجی راو¿ مستانی‘130 کروڑ روپے کے بجٹ پر بنائی گئی ہے۔رنویر سنگھ بولی وڈ کے واحد ایسے اداکار نہیں بلکہ شاہ رخ خان، سلمان خان، عامر خان اور اجے دیوگن بھی اپنی فلموں کے بجٹ سے منافع حاصل کرتے ہیں۔فلم”باجی راو¿ مستانی“ کی کہانی باجی راو¿ پیشوا اور رقاصہ مستانی کی محبت پر مبنی ہے۔ یہ کردار اداکار رنویر سنگھ اور دپیکا پڈوکون ادا کر رہے ہیں۔ ان کے ساتھ اداکارہ پریانکا باجی راو¿ کی پہلی بیوی کاشی بائی کا کردار ادا کررہی ہیں۔فلم اس سال 18 دسمبر کو ریلیز کی جائے گی۔