لاہور (نیوز ڈیسک)معروف ہدایتکارہ سنگیتا رضوی نے پاکستانی فنکاروں کو مشورہ دیا ہے کہ وہ بھارتی فلموں میں کام کرنے کی بجائے اپنے ملک میں کام کریں۔ ان کی فلمیں بھی ہٹ ہوں گی اور عزت بھی ملے گی۔لاہور کے ایورنیو اسٹوڈیو میں پریس کانفرنس کرتے ہوئے ہدایتکارہ سنگیتا رضوی نے کہا کہ راج کپور اور مہیش بھٹ نے انہیں بارہا بھارت آ کر کام کرنے کی دعوت دی لیکن انہوں نے معذرت کر لی۔ انہوں نے بھارتی فلموں میں جا کر کام کرنے والے اداکاروں کو مشورہ دیتے ہوئے کہا کہ اگر بھارت میں برا سلوک ہوتا ہے تو وہاں جا کر کام کرنے کی بجائے پاکستانی فلموں میں کام کریں۔انہوں نے بتایا کہ وہ اپنی نئی فلم ۔۔تم ہی تو ہو۔۔ کی شوٹنگ میں مصروف ہیں۔ فلم انڈسٹری کے موجودہ دور میں یہ ان کی پہلی فلم ہے۔ جس میں انہوں نے نوجوان اداکاروں کو کاسٹ کیا ہے۔