ممبئی (آن لائن) بالی وڈ ہدایتکار سنجے بھنسالی کی آنے والی فلم ” باجی راﺅ مستانی“ کو اپنی ریلیز سے قبل ہی مشکلات کا سامنا ہے ۔ بھارت کی ایک این جی اوز کے صدر ہمنٹ پٹیل کی جانب سے پونے کی عدالت میں فلم کے خلاف ایک درخواست جمع کرائی گئی ہے وکیل واجد خان کے مطابق این جی اوز نے فلم میں باجی راﺅ مستانی اور ان کی دونوں بیویوں کاشی بائی اور مستانی کے کردار کی غلط انداز میں عکاسی کا الزام عائد کرتے ہوئے فلم پر پابندی لگانے کا مطالبہ کیا ہے ۔ درخواست گزار کے مطابق باجی راﺅ مستانی میں پریانکاچوپڑا اور دیپیکاپڈکون پر فلمایا ہوا گانا ” پنگا “ بھی غلط انداز میں پیش کیا گیا ہے ۔