اسلام آباد (آن لائن)ماڈل ریچل خان نے قومی کرکٹر عمر اکمل کے معاملے میں مداخلت کرنے اور خواہ مخواہ میں فریق بننے پر اداکارہ میرا کو بھی آڑے ہاتھوں لینے کا فیصلہ کیا ہے اور قانونی کارروائی کے دوران اداکارہ میرا کو بھی لیگل نوٹس ارسال کرنے بارے غورو خوص کیا جا رہا ہے قانونی ماہرین سے مشاورت کے بعد اداکارہ میرا کو بھی قانونی نوٹس ارسال کر دیا جائے گا ۔ ماڈل ریچل خان کے قریبی ذرائع نے آن لائن کو بتایا ہے کہ ماڈل ریچل کو عمر اکمل کے معاملے میں اداکارہ میرا کی مداخلت ایک آنکھ نہیں بھائی ہے اس لئے اس نے عمر اکمل کے خلاف قانونی کارروائی میں اداکارہ میرا کو بھی شامل کرنے کا فیصلہ کیا ہے تاہم اس حوالے سے حتمی فیصلہ آئندہ ہفتے کر لیا جائے گا ۔ واضح رہے کہ میرا نے عمر اکمل کو اپنا بھائی قرار دے رکھا ہے ۔