ممبئی (نیوز ڈیسک ) بالی ووڈ اداکار کنگ خان نے کہا ہے کہ میں رومانٹک اداکار نہیں بلکہ ایکشن کرنےوالا انسان ہوں۔ بھارتی میڈیا کے مطابق فلم ’دل والے‘ کے ریلیز ہونےوالے گانے کی تقریب کے دوران شاہ رخ خان نے کہا کہ کہ میں رومانٹک نہیں ایکشن کرنےوالا انسان ہوں جبکہ فلم کے ہدایتکار روہت شیٹھی ایکشن کرنےوالے نہیں دل سے کافی رومانٹک ہیں۔ انہوں نے کہا کہ اوپر سے میں کافی نرم مزاج اور پیار کرنےوالا نظر آتا ہوں مگر اندر سے کافی مضبوط شخصیت کا مالک ہوں دوسری جانب روہت شیٹھی اوپر سے کافی سخت نظر ضرور آتے ہیں مگر اندر سے کافی خیال رکھنے والے اور نرم مزاج کے انسان ہیں۔ روہت شیٹھی کی ہدایات میں بنی فلم ’دل والے‘ میں شاہ رخ کے ساتھ ان کی پسندیدہ اداکارہ کاجول نے اہم کردار ادا کیا ہے۔ فلم ’دل والے‘ 18 دسمبر کو سنیماءگھروں میں نمائش کےلئے پیش کی جائےگی۔