ممبئی(نیوز ڈیسک) بالی ووڈ باربی ڈول کترینہ کیف اورسلمان کی قربتوں کے بارے میں تو سب ہی جانتے تھے اور پھر رنبیر کے ساتھ ہونے والی گہری دوستی کے بھی احوال سب پرعیاں ہیں جہاں انکا کہنا ہے کہ سلمان خان کے بارے میں زیادہ بات کرنا ان کے حالیہ رشتے کے لیے مناسب نہیں ہے۔بھارتی میڈیا رپورٹس کے مطابق ایک پروگرام کے دوران باربی ڈول کترینہ کیف کا کہنا ہے سلمان خان فلم انڈسٹری میں اورانڈسٹری کے باہر بہترین شخص ہیں جو سب ہی جانتے ہیں،اداکارہ نے کہا کہ سلمان خان کے والدین اوران کے گھر والوں نے انہیں ہمیشہ بیٹی کی طرح سمجھا ہے ،تاہم اداکارہ کا کہنا تھا کہ سابق دوست اور اداکار کے بارے میں زیادہ بات کرنا ان کے رنبیر کپور کے ساتھ حالیہ رشتے کے لیے مناسب نہیں ہے اس لیے ان سے اس حوالے سے نہ پوچھا جائے۔ دوسری جانب جب ان سے رنبیر کپور کے ساتھ ان کے حالیہ رشتے کے حوالے سے پوچھا گیا تو انکا کہنا تھا کہ رنبیر ان کے ہر وقت رہنے والے بہترین دوست ہیں۔واضح رہے کہ رنبیر کپور اور کترینہ کیف کی دوستی کسی سے ڈھکی چھپی نہیں ہے اور دونوں سپر اسٹارز کو بار ہا ایک ساتھ دیکھا گیا ہے جب کہ دونوں اپنے انٹرویوز میں بھی ایک دوسرے کو اپنے لئے بہت اسپیشل قرار دے چکے ہیں لیکن ابھی تک دونوں نے باقاعدہ اپنی محبت کا اظہار کیا ہے اور نہ ہی شادی کا فیصلہ کیا ہے