اسلام آباد(نیوز ڈیسک)مشہور برطانوی اداکار روون ایٹکنسن المعروف مسٹر بین کی 24سالہ شادی ٹوٹ گئی۔ مسٹر بین کی 60سالہ اہلیہ سنیترا نے سنٹرل لندن میں ضلعی عدالت میں صرف 65سیکنڈ میں اپنے شوہر کو طلاق دیدی حالانکہ اس قسم کی عدالت میں میاں بیوی کو دوبارہ صلح کرنے یا سوچنے کیلئے کئی ماہ کا وقت دیا جاتا ہے تاہم سنیترا نے جج کے سامنے مسٹربین کی غیر موجودگی میں عدالت سے سوچنے کا وقت نہ لینے کی درخواست کرتے ہوئے طلاق کیلئے دستخط کرنے میں ایک منٹ لگایا۔ روون اور سنیترا نے 1990ءمیں شادی کی تھی اور ان کی شادی ٹوٹنے کی وجہ روون سے عمر میں نصف 32سالہ اداکارہ لوئیس فورڈ بنی ہیں جس کی روون سے گزشتہ ڈیڑھ سال سے دوستی چل رہی ہے۔ ذرائع کے مطابق عدالت نے سنیترا کو اپنی طلاق پر نظرثانی کرنے اور مالی معاملات طے کرنے کیلئے ڈیڑھ ماہ کا وقت دیاہے۔
مزید پڑھئیے:ریحام خان کے کمرے سے کیا نکلا ؟ ایک سینئر تجزیہ کار نے ہر راز سے پردا ہٹا دیا

دیکھئیے کس طرح عمر اکمل نے پورے پاکستان کو شرمندگی میں مبتلا کر دیا