لاہور(نیوز ڈیسک )ٹی وی کی نامور اداکار ہ و ماڈل عمائمہ ملک نے کہا ہے کہ بعض لوگوں کا کام ہی صرف دوسروںکے خلا ف پراپیگنڈا اور منفی خبریں پھیلانا ہوتا ہے ،فنکار کو جہاں اچھا کام ملے گاوہ اسی طرف کا رخ کرے گا کیونکہ فنکار کی کوئی سرحد نہیں ہوتی ۔ ایک انٹرویو میں اداکارہ کا کہنا تھاکہ فنکار کا سیاست سے کوئی لینا دینا نہیں ہوتا بلکہ یہ سیاستدانوں کے ساتھ ہی اچھی لگتی ہے ۔جب سے بھارتی فلموں میںکام کر رہی ہوں میرے خلاف ایک محاذ کھڑا کردیاگیا جو فن کے خلاف سازش ہے ۔ میں ایسے لوگوں کے لئے صرف اپنے خدا سے ہدایت کی دعا ہی کر سکتی ہوں ۔ اداکارہ نے مزید کہا کہ خدا نے مجھے جو عزت دی ہے اسے مجھ سے کوئی نہیں چھین سکتا اور میں منفی خبریں پھیلانے والوں سے ہرگز خوفزدہ نہیں۔ عمائمہ ملک نے کہا کہ مجھے قوی امید ہے کہ میری نئی آنے والی فلمیں میر ے پرستاروں کو ضرور پسند آئیں گی جس سے ناقدین کے منہ بند ہو جائیں گے۔