ممبئی (نیوزڈیسک)بولی وڈ سپر اسٹار سلمان خان کو ا ن کے ایک پرستار نے 10 ہزار خطوط پر مشتمل ایک سرخ باکس تحفتاً پیش کیا ہے۔ہندوستان ٹائمز کی ایک رپورٹ کے مطابق سلمان جنہوں نے حال ہی میں سونم کپور کے ہمراہ اپنی آنے والی فلم پریم رتن دھایو کی پروموشن کے لیے احمد آباد کا دورہ کیا، ا ±س وقت حیران رہ گئے، جب ان کے ایک پرستار نے انہیں 10 ہزار خطوط پر مشتمل سرخ رنگ کا باکس پیش کیا۔سلمان کے قریبی ذرائع کے مطابق سلمان نے اس محبت پر خوشگوار حیرت کا اظہار کرتے ہوئے شکریہ ادا کیا، جبکہ ان کے گھر کے قریب واقع پوسٹ آفس میں بھی سلمان کے نام خطوط کی بھرمار ہوتی ہے۔سورج برجاتیہ کی ہدایات میں بننے والی فلم ’پریم رتن دھان پایو میں سلمان خان کے ہمراہ اداکارہ سونم کپور اور انوپم کھیر اہم کردار ادا کرتے نظر آئیں گے۔فلم 12 نومبر کو سنیما گھروں میں نمائش کےلئے پیش کی جائےگی۔