ممبئی (نیوز ڈیسک )بالی ووڈ اداکارہ کترینہ کیف کے ترجمان کا کہنا ہے کہ کترینہ ان کے بوائے فرینڈ رنبیر کپور اور دپیکا پڈوکون کے درمیان آنے والی فلم ’تماشا‘ کو لے کر بالکل بھی خوف زدہ نہیں۔بھارتی اخبار کے مطابق قیاس آرائیاں تھی کہ کترینہ رنبیر اور دپیکا کی فلم میں دونوں کی درمیان کی کیمسٹری کو لے کر خوف زدہ ہیں جس کے باعث انہوں نے اپنی رنبیر کے ہمراہ آنے والی فلم ’جگا جاسوس‘ میں ہدایت کار سے مزید بہتری کرنے کی گزارش کی تھی۔تاہم کترینہ کے ترجمان کا ان تمام خبروں کو افواہ قرار دیتے ہوئے کہنا تھا کہ یہ جھوٹی خبریں ہیں اور کترینہ نے اپنے ہدایت کار سے اس قسم کی کوئی فرمائش نہیں کی۔یاد رہے کہ رنبیر کپور اور ان کی سابقہ گرل فرینڈ اداکارہ دپیکا پڈوکون کی فلم ’تماشا‘ 27 نومبر کو ریلیز کی جائے گی، یہ دونوں اداکار ایک ساتھ 2 سال کے عرصے بعد فلم میں نظر آئیں گے۔جبکہ دوسری جانب اداکار رنبیر کپور اور کترینہ کیف کی فلم ’جگا جاسوس‘ اگلے سال ریلیز ہوگی اور دونوں اداکار آخری بار ایک ساتھ 2010 کی فلم ’راجنیتی‘ میں نظر آئے تھے۔