منیلا(نیوزڈیسک)فلپائنی اداکارہ کوئینی پڈیلا نے شوبز کو خیر باد کہتے ہوئے اسلام قبول کر لیا ہے۔رپورٹ کے مطابق اداکارہ کوئینی فلم اور ٹیلی ویڑن کے معروف ایکشن سٹار روبن پڈیلا کی صاحبزادی ہیں۔اداکارہ نے حج سے واپس آکر جذباتی انداز میں اپنے اسلامی سفر کا ذکر کرتے ہو ئے بتایا کہ اسلام قبول کر نے کے بعد بہت اچھا محسوس کر رہی ہیں۔انکا مزید کہنا تھا کہ جب انھوں نے خانہ کعبہ (اللہ کے گھر)کو اپنے سامنے دیکھا تو ان پر عجیب کیفیت طاری ہو گئی۔انھوں نے بتایاکہ وہ جب سے حج کر کے واپس لوٹی ہیں انھیں محسوس ہوتا ہے کہ وہ گناہوں سے پاک ہو کر کسی ننھی بچی کی طرح ابھی اس دنیا میں آئی ہیں۔انٹریو کے دوران انھوں نے بتایا کہ انھیں حجاب پہننا بے حد پسند آیا ہے۔علاوہ ازیں وہ آٹھ ماہ پہلے سے ہی شوبز کو خیرباد کہہ چکی ہیں اور اب وہ صرف اسلامی تعلیم حاصل کرنے اور اسلامی اصولوں کے تحت زندگی گزارنے کی خواہش مند ہیں۔