اسلام آباد(نیوز ڈیسک ) سابقہ مس ورلڈ اور بالی ووڈ کی خوبصورت اداکارہ ایشوریا رائے کا کہنا ہے کہ فلم ”جذبہ‘ ‘کے ساتھی اداکاروں کے ساتھ کام کرنا ان کا خواب تھا۔ایشوریا رائے نے ڈان امیجز کو ایک انٹرویو میں اپنی فلم ”جذبہ“ بالی ووڈ سے 5 سال کے وقفے اور اپنی ذاتی زندگی کے حوالے سے بات چیت کی۔بالی ووڈ میں 5 سال بعد واپسی کے حوالے سے ان کا کہنا تھا کہ ایک فنکار ہمیشہ ہی ایک فنکار رہتا تھا اس لیے انہیں 5 سال بعد فلم میں اداکاری کرنے میں کسی قسم کی کوئی مشکل کا سامنا نہیں کرنا پڑا۔ایشوریا کے مطابق وہ فلم ’جذبہ‘ میں عرفان خان کے ساتھ کام کر کے کافی خوش تھی۔ایشوریا نے مزید بتایا کہ ماں بننا ان کے لیے ایک انوکھا تجربہ رہا ہے ان کی بیٹی1 سال کی ہو یا 5 سال کی ہر دن ایک نیا تجربہ لاتا ہے۔سوشل میڈیا کے حوالے سے بات کرتے ہوئے ایشوریا نے بتایا کہ وہ سوشل میڈیا پر متحرک نہیں اور اپنے شوہر ابھیشیک بچن کے اکاو¿نٹ سے اپنے مداحوں سے رابطے میں رہتی ہیں۔