اسلام آباد(نیوز ڈیسک )بالی وڈ اداکار سلمان خان اپنی نئی آنے والی فلم سلطان میں ہالی وڈ اداکار سیلویسٹر اسٹالون کو کاسٹ کرنے کا ارادہ رکھتے ہیں۔بالی وڈ اداکار سلمان خان ہالی وڈ کے ایکشن ہیرو سیلویسٹر اسٹالون کے مداح ہیں جس کا برملا اظہار مائیکرو بلاگنگ ویب سائٹ ٹوئٹر پر متعدد بارکرچکے ہیں جب کہ ہالی وڈ اسٹار نے سلمان خان کے ساتھ فلم میں کام کرنے کی خواہش کا اظہار بھی کیا تھا جس کا پورا ہونا ناممکن نظرآرہا تھا تاہم سلو میاں نے ہالی وڈ کے ایکشن ہیرو کے ساتھ فلم میں کام کرنے کی ٹھان لی ہے اور اس کے لئے وہ سرگرم ہوگئے ہیں۔خبروں کے مطابق سلمان خان اپنی نئی آنے والی فلم’سلطان‘ میں ’باکسر‘ کا کردار ادا کررہے ہیں جب کہ سلومیاں فلم میں سیلویسٹر اسٹالون کو اپنے کوچ کے طورپرکاسٹ کرانے کا ارادہ رکھتے ہیں جس کے لیے انہوں نے فلم پروڈیوسریش راج سے بات شروع کردی ہے۔واضح رہے کہ ہالی وڈ ایکشن ہیرو سیلویسٹر اسٹالون 2009 میں ریلیز ہونے والی بالی وڈ فلم’کمبخت عشق‘میں اداکاری کے جوہر دکھا چکے ہیں۔