ممبئی(نیوز ڈیسک )بالی وڈ فلم انڈسٹری میں ایکشن فلموں سے شہر ت حا صل کر نے والے اداکار سنی دیول نے زندگی کی58 بہاریں دیکھ لیں۔19اکتوبر1957 ءکو پیدا ہونے والے سنی دیول نے 1983 ءمیںفلم ” بے تاب “ سے اپنے کیرئر کا آغاز کیا ۔ اس فلم میں ان کی ہیروئن امریتا سنگھ تھیں۔اس کے بعد” ارجن“،”گھائل“، ”ڈر“،”بارڈر “سمیت کئی فلموں میں شاندار صلاحیتوں کے جوہر دکھاتے ہوئے شائقین پر اپنی انمٹ اداکاری کے نقش چھوڑے2011ءمیں انہوں نے کامیڈی فلموں میں انٹری دیتے ہوئے ” یملا پگلا دیوانہ“ اور2013ء میں ”سنگھ صاحب“ میں کام کیا اور مداحوں میں بے پناہ مقبولیت حاصل کی۔