لاہور ( این این آئی) اداکارہ میرا کو 10سال کے لئے انگلینڈ میں بین کیے جانے کا انکشاف ہوا ہے ۔ ذرائع کے مطابق اداکارہ میرا 3سال قبل انگلینڈ گئی تھیں جہاں انہوں نے برٹش قوانین کی خلاف ورزی کی جس پر تحقیقات کے بعد میرا پر الزام ثابت ہوا اور وہاں کی بارڈر ایجنسی نے قانون 320کا اطلاق کرتے ہوئے اداکارہ میرا کو 10سال کے لئے انگلینڈ میں داخل ہونے سے بین کر دیا ۔اس حوالے سے اداکارہ میرا موقف جاننے کے لئے رابطہ کیا گیا تو انہوں نے کوئی جواب نہیں دیا جبکہ ان کے مینیجر سہیل راشد کا کہنا ہے کہ اس حوالے سے میرے علم میں ایسی کوئی بات نہیں ۔ اس بارے میں میڈم ہی بہتر طور پر بتا سکتی ہیں ۔