اسلام آباد (نیو ز ڈیسک ) بالی ووڈ کی خوبصورت اداکارہ اور سابقہ مس ورلڈ ایشوریا رائے کا کہنا ہے کہ ان کے لیے سب سے اہم ان کی بیٹی ہے۔بھارتی اخبار کے مطابق ایشوریا رائے کا ایک انٹرویو میں کہنا تھا کہ خاندان ان کے لیے بہت اہم ہے البتہ بیٹی کی پیدائش کے بعد ان کے لیے سب سے اہم ان کی بیٹی ہو گئی ہے۔حال ہی میں ریلیز فلم ”جذبہ“ کے حوالے سے اداکارہ کا کہنا تھا کہ ان کی گھر والوں نے اب تک اس فلم کو نہیں دیکھا تاہم وہ بہت جلد دیکھیں گے کیونکہ ان کے لیے سب سے اہم رائے گھر والوں کی ہی ہے۔ایشوریا رائے آخری مرتبہ فلم ’گزارش‘ میں نظر آئیں تھیں جس کے بعد اداکارہ نے تقریباً5 سال کے وقفے کے بعد بولی وڈ انڈسٹری میں دوبارہ قدم رکھا ہے۔”جذبہ“ میں اپنے کردار کے حوالے سے ایشوریا کا کہنا تھا کہ انہیں اس سے بہت کچھ سیکھنے کو ملا کیونکہ اس فلم میں بھی انہوں نے ایک ماں کا کردار ادا کیا ہے۔فلم’ ’جذبہ“ نے اپنی ریلیز کے پہلے روز تقریباً 4.23 کروڑ روپے کمائے ہیں۔اس فلم میں ان کے ہمراہ اداکارہ شبانہ عاظمی اور عرفان خان نے اہم کردار ادا کیے ہیں۔