ممبئی(آن لائن) بالی ووڈ میوزک ڈائریکٹرز سلیم مرچنٹ نے کہا ہے کہ بھارتی میوزک پسند کرنیوالے پاکستانی آرٹسٹ غلام علی کے ساتھ کھڑے ہیں ۔ میڈیا سے گفتگو کرتے ہوئے انہوں نے کہا کہ غلام علی کے کنسرٹ کی منسوخی کا تعلق صرف مہاراشٹر تک محدود ہے تاہم ہمارے ملک کے موسیقی پسند کرنیوالے غلام علی کے ساتھ ہیں انہوں نے کہا کہ میں یہ سمجھنے سے قاصر ہوں کہ بعض لوگ پاکستانی آرٹسٹوں کو بھارت میں پرفارم کرنے کی اجازت کیوں نہیں دے رہے اور وہ سیاست اور فن کے درمیان کھائی بنانے کے کیوں خواہاں ہیں ۔