اسلام آباد (نیوز ڈیسک )بالی ووڈ اداکار عرفان خان اور کنگنا راناوت کا بیگم اختر کی زندگی پر بننے والی فلم میں ایک ساتھ کام کرنے کا امکان ۔بھارتی اخبار کے مطابق بیگم اختر کی زندگی پر ”اے محبت“ کے نام سے بنائی جانیوالی فلم میں مرکزی کردار کے لیے عرفان خان کو کاسٹ کرلیا گیا ہے جبکہ ہیروئن کے کردار کے لیے کنگنا رناوت کا نام لیا جارہا ہے تاہم ابھی تک اس کی حتمی طور پر تصدیق نہیں کی گئی ہے ۔فلم کے ہدایت کار کیتن مہتا کا کہنا ہے کہ انھوں نے کنگنا سے اس فلم میں بیگم اختر کاکردار کرنے کی درخواست کی ہے ۔ واضح رہے کہ بیگم اختر کی وجہ شہرت غزل اور ٹھمری گانے ہیں جنھیں پدما بھوشن کا اعزاز بھی مل چکا ہے، یہ فلم بیگم اختر کی طالبہ ریتا گنگولی کی مدد سے بنائی جارہی ہے جو ان کے بہت قریب تھیں اور انھیں ’امی‘ کہتی تھیں۔فلم کی موسیقی اے آر رحمان ترتیب دیں گے۔