ممبئی (نیوزڈیسک)شاہد خان آفریدی پر الزامات لگانیوالی اداکارہ عرشی خان نے پاکستان آمد کا اعلان کردیا۔سماجی رابطے کی ویب سائٹ ٹوئیٹر پر اپنے ایک پیغام میں عرشی خان کاکہناتھاکہ وہ شاہدآفریدی کے علاوہ شعیب ملک اور شعیب اختر سے بھی ملیں گی اور تینوں کو ٹوئیٹر پر ٹیگ کیا۔افغانی نژاد پاکستانی مسلمان عرشی خان کو ایک پاکستانی انٹرٹینمنٹ چینل کی طرف سے شو کیلئے دوکروڑ روپے کی پیشکش کی گئی اور اس شوکی شوٹنگ نومبر کے اواخر میں شروع ہوجائے گی جبکہ دسمبر میں آن ایئرجانے کی توقع ہے ۔ عرشی خان افغانستان میں پیداہوئیں لیکن اس کے بعد ان کی فیملی بھوپال منتقل ہوگئی ، اس کی والدہ بھارتی جبکہ باپ افغانی نژاد پاکستانی ہے ۔ ان کو شاہد آفریدی سے متعلق غیرذمہ دارانہ بیانات کی وجہ سے بھارت سے زیادہ پاکستان میں جانا جاتاہے ۔ٹوئیٹر پر عرشی خان کے پچاس فیصدفالوورز پاکستانی ہیں جبکہ پاکستان میں ان کے کئی رشتہ دار بھی موجود ہیں ۔