ممبئی(نیوز ڈیسک) بالی ووڈ اداکارہ دپیکا پڈوکون کا کہنا ہے کہ ان کی نئی آنے والی فلم باجی راو¿ مستانی ان کے کیرئیر کی مشکل ترین فلم ہے۔بھارتی میڈیا رپورٹس کے مطابق اداکارہ دیپیکا پڈکون کا کہنا ہے کہ باجی راو¿ مستانی ان کے فلمی کرئیر کی مشکل ترین فلم ثابت ہوئی ہے، فلم کی شوٹنگ 10 سے 12 گھنٹے تک جاری رہتی تھی جس میں گھڑ سواری، ڈائیلاگ کی پریکٹس اور ڈانس شامل تھا۔ اداکارہ کا کہنا تھا کہ فلم میں بہت زیادہ محنت کی ہے اور فلم کی شوٹنگ میں جسمانی اور ذہنی دونوں طرح سے تھکا دینے والی تھی۔اداکارہ کا کہنا تھا کہ فلم ’رام لیلا‘ کی شوٹنگ بھی خاصی مشکل تھی تاہم ’باجی راو¿ مستانی‘ کی شوٹنگ کرکے اب ’رام لیلا‘ آسان لگنے لگی ہے۔ ان کا مزید کہنا تھا کہ وہ فلم میں اپنے کردار ’مستانی‘ سے بہت لطف اندوز ہوئی ہیں.واضح ر ہے کہ سنجے لیلا بھنسالی کی ہدایت میں بننے والی فلم باجی راو¿ مستانی 18 دسمبر کو سنیما گھروں کی زینت بنے گی۔