ممبئی(نیوز ڈیسک) گجراتی ماڈل و اداکارہ ایونی مودی کا کہنا ہے کہ وہ بھارتی وزیر اعظم نریندر مود ی کی بیٹی ہیں۔ایک بھارتی جریدے کی رپورٹ کے مطابق با لی ووڈ کے معروف ڈائریکٹر مدھر بھنڈارکر کی نئی فلم ‘کیلنڈر گرلز ’ میں اداکاری کرنے والی اداکارہ نے کہا ہے کہ وہ نریندر مودی کی بیٹی ہیں۔جریدے کو انٹرویو دیتے ہوئے اداکارہ ایونی مودی نے بتایا کہ مجھ سے اکثر اوقات سوال پوچھا جاتا ہے کہ میرا اور وزیر اعظم کا خاندانی نام(مودی )ایک ہی ہے ، ہماری ذات ایک ہے اور یہ کہ ہمارا تعلق بھی ایک ہی بھارتی ریاست گجرات سے ہے تو ایسے میں کیا ہماری رشتہ داری بھی ہے۔اس حوالے سے پوچھے گئے سوال کے جواب میں ہمیشہ یہ کہتی ہو ں کہ میں بھارتی وزیر اعظم کی بیٹی ہوں اور نہ صرف میں بلکہ ملک کی ہر لڑکی انکی بیٹی ہے کیونکہ وہ میرے لئے میرے باپ کا سا درجہ رکھتے ہیں