ممبئی (نیوز ڈیسک) بالی ووڈ کی اسٹار اداکارہ انوشکا شرما نے دبنگ اسٹار سلمان خان کے ساتھ فلم سلطان میں کام کرنے سے انکار کردیا بھارتی میڈیا رپورٹس کے مطابق بالی ووڈ کے دبنگ سپر اسٹار سلمان خان یش راج فلمز کے بینر تلے بننے والی فلم سلطان میں مرکزی کردار ادا کررہے ہیں جس میں وہ باکسر کے کردار میں نظر آئینگے جبکہ فلم ریلیز کی تاریخوں کا اعلان کردیا گیا ہے تاہم اب تک فلم میں سلومیاں کے مد مقابل اداکارہ کو کاسٹ ہی نہیں کیا گیا فلم ساز نے فلم سلطان میں سلمان خان کے مدمقابل اداکارہ کیلئے کنگنا رناوت کے انکار کے بعد انوشکا شرما کو پیشکش کی جس پر اداکارہ نے مصروفیات کے باعث فلم میں کام کرنے سے انکار کردیا جبکہ انوشکا نے سماجی رابطے کی ویب سائٹ پر بھی فلم میں کام نہ کرنے کی تصدیق کی۔