ممبئی(نیوز ڈیسک)بولی ووڈ کی ہاٹ گرل عالیہ بھٹ کا کہنا ہے کہ شاہد کپور جیسے مایہ ناز ڈانسر کے ساتھ رقص کرنے کا سوچ کر ہی انکے ہاتھ پاو¿ں پھول جاتے تھے۔ایک انٹرویو کے دوران اداکارہ نے بتایا کہ انھوں نے اپنی نئی آنے والی فلم شاندار کے گانے گلابو میں پہلی بار شاہد کپور کے ساتھ رقص کیا۔رپورٹ کے مطابق عالیہ بھٹ اور شاہد کپور کی نئی آنے والی فلم شاندار کے گانے گلابو کی لانچ تقریب کاانعقاد ممبئی کے ایک فائیو سٹار ہوٹل میں کیا گیا۔تقریب میں دونوں اداکاروں نے اپنے گانے گلابوپر لائیو رقص پیش کر کے ناظرین کے دل موہ لیے۔تقریب کے دواران پرفارمنس کے شروع میں پس منظر میں ڈانس کرنے والے ڈانسر ٹارچ روشن کیے تاریک سٹیج پر پہنچے او ر روشنی عالیہ بھٹ پر ڈالی جنہوں نے اپنے متناسب جسم کو لہراتے ہوئے رقص پیش کرنا شروع کیا۔اداکارہ کے خوبصورت ڈانس سٹپس پر ناظرین نے انھیں بے حد داد سے نوازاتاہم چند لمحوں کے بعد شاہد کپور بھی انکے ساتھ رقص میں شامل ہوئے۔بعد ازاں اداکارہ نے میڈیا سے بات چیت کے دوران بتایا کہ شاہد کے ساتھ ڈانس کرنے سے پہلے وہ بے حد خوفزہ تھیں چونکہ شاہد کپور بولی ووڈ انڈسٹری کے بہترین ڈانسروں میں سے ایک ہیں۔اکارہ نے مزید بتایا کہ انھوں اس پرفارمنس کے لئے انتھک محنت کی اور انکے ساتھی اداکار نے انکی بھرپور مددکی تب جا کر وہ اس پرفارمنس کو بہتر انداز میں انجام دینے کے قابل ہوئیں