لاہور(نیوزڈیسک)پاکستان کی کامیابی سے خوفزدہ تنگ نظر بھارت نے پاکستانی فلموں کی کامیابی کے پیش نظر بھارت میں ان کی نمائش اچانک روک دی ہے۔بھارت نے تنگ نظری کا مظاہرہ کرتے ہوئے اپنے ملک میں اچھا بزنس کرنے والی پاکستانی فلموں کو اچانک سینمائوں سے اتار دیا ہے جس سے بھارت میں کام کرنے والے پاکستانی فنکار بھی تشویش کا شکار ہیں۔دوسری طرف پاکستان میں تاحال کسی بھی بھارتی فلم کو اس طرح سے سینمائوں سے نہیں اتارا گیا ، لاہور ہائیکورٹ نے بھارتی فلم فینٹم کی نمائش پر پابندی عائد کی ، اس کے علاوہ تمام فلمیں پاکستانی سینمائوں پر چلی ہی۔پاکستان میں فلمی حلقوں نے بھارت کی اس تنگ نظری پر انتہائی تشویش کا اظہار کیا ہے ، اس طرح کے رویوں سے دونوں ممالک میں ایک دوسرے کی فلمیں متاثر ہوں گی۔
پاکستانی شوبز حلقوں نے اس بھارت سے مطالبہ کیا ہے کہ پاکستانی فلموں کو فوری طور پر سینمائوں پر بحال کیا جائے تاکہ دونوں ممالک کے فنکار اور پروڈیوسر فائدہ حاصل کر سکیں۔
واضح رہے کہ پاکستان میں بھارتی فلمیں بجرنگی بھائی جان نے اچھا خاصا بزنس کیا حالانہ اس کے مقابلے میں پاکستانی فلمیں بھی سینمائوں کی زینت بنی ہوئی تھیں۔