لاہور(نیوزڈیسک)ماضی کی نامور اداکارہ بابرہ شریف نے لاہور چڑیا گھر سے شیر کے بچے کو ایک سال کیلئے گود لے لیا ۔چند روزقبل لاہور چڑیا گھر کی شیرنی (کاجل ) نے ایک بچے کو جنم دیا تھا جسے انتہائی نگہداشت میں رکھا گیا تھا لیکن ایک روز قبل شیرنی نے بچے کو فیڈ کروانا بند کر دیا ۔جس پر انتظامیہ نے بچے کیلئے ڈونر کی تلاش شروع کر دی ۔گزشتہ روز ماضی کی نامور اداکارہ بابرہ شریف نے لاہور چڑیا گھر کا دورہ کیا جہاں انہوں نے ڈائریکڑ چڑیا گھر شفقت احمد سے ملاقات میں شیر کے بچے کو ایک سال کیلئے گود لینے کا فیصلہ کیا۔اداکارہ نے شیر کے بچے کی خوراک کی مد میں ڈائریکٹر کو 2لاکھ روپے کا چیک ادا کر دیا ہے ۔بابرہ شریف نے اس موقع پر شیر کے بچے کے ہمراہ تصاویر بھی بنوائیں اور انہوںنے اس عزم کا اعادہ کیا کہ وہ شیر کے بچے کے لئے خصوصی طور پر چڑیا گھر آتی جاتی رہیں گی۔