اسلام آباد(نیوزڈیسک)بولی وڈ اداکارہ پرینیتی چوپڑہ ان دنوں انڈونیشیا کے شہر جکارتہ میں ہیں اور خوب شاپنگ میں مصروف ہیں.اداکارہ کی شاہ خرچیوں کا اندازہ اس بات سے لگایا جاسکتا ہے کہ انھوں نے صرف 2 شرٹس خریدنے میں 10 لاکھ روپیہ خرچ کردیا.پرینیتی نے سماجی رابطے کی ویب سائٹ ٹوئٹر پر اس بات کا اظہار کیا.لیکن یہاں اس بات کی وضاحت کرتے چلیں کہ 10 لاکھ انڈونیشین روپیہ، 4 ہزار 6 سو 72 ہندوستانی روپوں کے برابر ہے.ساتھ ہی انھوں نے لکھا کہ اب ہر کوئی اپنا کیلکولیٹر نکال کر حساب کتاب شروع کردے گا.دلچسپ بات یہ کہ پرینیتی تو جکارتہ میں شاپنگ میں مصروف ہیں اور ان کے پرستار کیلکوکیٹر پر ان کی ‘شاہ خرچیوں’ کا حساب کتاب کرنے میں.جبکہ کچھ فینز نے تو انھیں مشورہ بھی دے ڈالا کہ انھیں فضول خرچیوں کے بجائے اپنے ملک کے غریبوں کے لیے کچھ کام کرنا چاہیے