ممبئی (نیوز ڈیسک)بولی وڈ ہدایت کار کرن جوہر نے عالیہ بھٹ کو اپنی اگلی پروڈکشن فلم میں شاہ رخ خان کے ساتھ کاسٹ کرلیا۔
انڈین ایکسپریس کے مطابق بولی وڈ کی نئی اداکارہ عالیہ بھٹ کنگ خان کے ہمراہ ہدایت کارہ گوری شندے کی فلم میں اہم کردار ادا کریں گی۔ کرن جوہر نے ٹوئٹر پر اس خبر کی تصدیق بھی کی۔ کرن کے فوری بعد عالیہ نے بھی ٹوئٹر پر اپنی خوشی کا اظہار کیا۔ اس فلم کی کہانی اور نام کے بارے میں ابھی تک کوئی خبر سامنے نہیں آئی ہے البتہ شاہ رخ خان اور عالیہ بھٹ کے درمیان عمر کے بڑے فرق سے اندازہ لگایا جاسکتا ہے کہ یہ کوئی رومانوی کہانی نہیں ہوگی۔ ہدایت کارہ گوری شندے نے بولی وڈ میں اپنا کیرئیر فلم ’انگلش ونگلش‘ سے شروع کیا تھا۔