ممبئی(نیوز ڈیسک) بالی ووڈ اداکارہ دپیکا پڈوکون نے کہا کہ ان پر غیر ارادی طور پر سٹائل آئیکون کی چھاپ لگی ہے۔ بھارتی میڈیا کے مطابق بالی ووڈ اداکارہ نے اپنے حالیہ انٹرویو میں کہا کہ وہ بالی ووڈ نگری میں صرف بطور ہیروئن پہچان حاصل کرنے آئی تھیں ، غیر ارادی طور پر انہیں سٹائل آئیکون کا بھی خطاب حاصل ہوا، یہ بات ان کے لئے باعث مسرت ہے ، اس میں ان کا کوئی کمال نہیں بلکہ وہ اس کا تمام تر کریڈٹ فیشن ڈیزائنر اور میک اپ آرٹسٹ کو دیں گی جنہوں نے انہیں یہ خطاب دیا ۔ اداکارہ نے کہا کہ فلمی دنیا میں اپنی جدوجہد جاری رکھیں گی اور معیاری اداکاری کرتی رہیں گی۔ اداکارہ کی آئندہ فلم تماشا جلد ہی ریلیز ہو جائے گی۔