لاہور (نیوزڈیسک ) امیر جماعةالدعوة پروفیسر حافظ محمد سعید کی طرف سے بھارتی فلم ”فینٹم“ کی پاکستان میںنمائش روکنے کیلئے لاہور ہائی کورٹ میں درخواست دائر کی سماعت آج پیر کو ہو گی ۔لاہور ہائیکورٹ کے جسٹس شاہد بلال درخواست پر سماعت کریں گے۔درخواست میں موقف اختیار کیا گیا ہے کہ بھارتی فلم ”فینٹم“ پاکستان مخالف ہے ،اس فلم میں پاکستان اور حافظ محمد سعید کے خلاف پروپیگنڈہ اور نازیبا الفاظ استعمال کئے گئے ہیں ۔متنازعہ فلم کی ریلیز سے پاکستان میں انارکی پھیلنے کا خدشہ ہے اس لئے اس کی پاکستان میں نمائش کو روکا جائے۔