لاہور( نیوزڈیسک )سیاست تو ہوتی رہے گی۔۔۔ریحام خان نے اہم کام کا آغاز کر دیاپاکستان تحریک انصاف کے چیئرمین عمران خان کی اہلیہ ریحام خان نے بطورفلمساز پہلی فلم ”جانان “پر کام کا آغاز کر دیا۔فلم کے مرکزی کردارعجب گل اور ارمینہ رانا خان ہیں۔ذرائع کا کہنا ہے کہ فلم خیبر پختونخوا ہ کی عوام پر فلمائی جائے گی۔فلم ”جانان “ایک پختون خاندان پر مبنی رومانوی اور مزاحیہ فلم ہوگی۔ذرائع کاکہناہے ریحام خان فنکاروں سے ملاقاتیں کررہی ہیں ،فلم کی شوٹنگ سوات اور شمالی علاقہ جات میں کی جائے گی۔ فلم کے مصنف عثمان خالد جعفری اور ہدایتکار اصغر بٹ ہیں۔بتایا گیا ہے کہ ریحام خان دو نجی پروڈکشن ہاﺅسز سے مل کر فلم بنانے کی شروعات کر چکی ہیں ایک فلم پشتو جبکہ دوسری اردو زبان میں بنائی جائے گی۔