ممبئی(نیوز ڈیسک) بالی ووڈ کے شوخ و چنچل اداکار رنویر سنگھ اور اداکارہ انوشکا شرما کی جوڑی یش راج فلمز کے بینر تلے بننے والی فلم میں جلوہ گر ہوگی۔بالی ووڈ اداکار رنویر سنگھ اور انوشکا شرما کی جوڑی نے متعدد فلموں میں اداکاری کے جوہر دکھائے ہیں جس میں ”بینڈ باجہ بارات“،”لیڈیز ورسزرکی بھال“ اور ”دل دھڑکنے دو“ شامل ہیں جب کہ دونوں اداکاروں کی جوڑی کو شائقین نے بے حد پسند کیا ہے۔میڈیا رپورٹس کے مطابق فلم ”بینڈ باجہ بارات“ کی جوڑی یش راج فلمز کے بینر تلے بننے والی فلم میں رومانس کرتے نظر آئے گی جب کہ رومانوی فلم کو بڑے بجٹ سے تیار کیا جائے گا۔واضح رہے کہ اداکار رنویر سنگھ اپنی نئی آنے والی فلم ”باجی راو¿ مستانی“ کی شوٹنگ میں مصروف ہیں جب کہ ادکارہ انوشکا شرما نے فلمساز کرن جوہر کی فلم”اے دل ہے مشکل“ سائن کی ہے۔