ممبئی(نیوز ڈیسک) بالی ووڈ کی خوبرو اداکارہ عالیہ بھٹ باربی ڈول کترینہ کیف کی جگہ فلم میں اداکاری کے جوہر دکھائیں گی۔بالی ووڈ کی فلم ”انگلش ونگلش“ کی ڈائریکٹر گوری شندے ہدایتکار کرن جوہر کے ساتھ مل کر نئی فلم بنائیں گی جبکہ انہوں نے فلم میں مرکزی کردار کے لیے بالی ووڈ کی باربی ڈول کترینہ کیف کا انتخاب کیا تاہم اب ان کی جگہ فلم میں اداکارہ عالیہ بھٹ کو کاسٹ کرلیا گیا ہے۔میڈیا رپورٹس کے مطابق اداکارہ عالیہ بھٹ فلم اسکرپٹ کے معیار پر پورا اترتی ہیں جس کے باعث انہیں فلم میں کاسٹ کیا گیا جبکہ فلم میں اداکارہ عالیہ بھٹ کے ساتھ 3 نئے اداکار جلوہ گر ہوں گے ۔واضح رہے کہ اداکارہ عالیہ بھٹ اپنی نئی آنے والی فلم”کپور اینڈ سنز“ کی شوٹنگ میں مصروف ہیں۔