ممبئی (نیوز ڈیسک) بالی ووڈ اداکارہ سوناکشی سنہا ممبئی کے گینگسٹر داود ابراہیم کی بہن بننے پر راضی ہوگئی ہیں۔ گھبرانے کی کوئی بات نہیں کیونکہ اداکارہ نے یہ رضامندی داو¿د ابراہیم کی بہن کی زندگی پر بنائی جانے والی فلم کیلئے ظاہر کی ہے۔ فلمساز اپوروا الاکھیا نے گینگسٹر کی بہن حسینہ پارکر کی زندگی پر فلم بنانے کا فیصلہ کیا ہے اور اس کیلئے انہوں نے مرکزی کردار اداکارہ سوناکشی سنہا کو اداکرنے کی پیشکش کی ، جسے سوناکشی نے قبول کرلیا۔ اس فلم کا نام ”حسینہ۔۔۔ دی کوئین آف ممبئی“ ہوگا۔داو¿د ابراہیم کے بارہ بہن بھائی ہیں تاہم ان میں سے شہرت صرف حسینہ کو ہی ملی جس کی وجہ ان کی دلچسپ زندگی ہے۔ اپوروا، حسینہ کی زندگی پر فلم بنانے کا طویل عرصے سے ارادہ رکھتے تھے، تاہم اس کیلئے وہ جس قسم کا چہرہ چاہتے تھے، وہ انہیں نہیں مل رہا تھا۔ آخر کار انہیں اپنا مطلوبہ کردار، اداکارہ سوناکشی سنہا میں دکھائی دے گیا اور فلم تیاری کے مراحل کی جانب بڑھنا شروع ہوگئی۔ دلچسپ امر یہ ہے کہ اس فلم کیلئے سوناکشی کو لینے کا مشورہ دینے والا کوئی اور نہیں خود حسینہ پارکر کا اپنا بھانجا سمیر انتولے ہے۔ امکان ہے کہ فلم کی شوٹنگ آئندہ برس سے شروع ہوگی۔ حسینہ، داو¿د ابراہیم کی ساتویں نمبر کی بہن تھیں جو گزشتہ برس ہارٹ اٹیک کے نتیجے میں موت کا شکار ہوئی تھیں۔