ممبئی (نیوزڈیسک)سلمان خان اور شاہ رخ اپنی دوستی اور دشمنی دونوں کو نبھانے کے سلسلے میں سرخیوں میں رہے ہیں۔دونوں کی اگلی فلم عید کے موقعے پر ریلیز ہو رہی۔ سلمان خان کی ’سلطان‘ اور شاہ رخ کی ’رئیس‘ دوڑ میں شامل ہیں۔ لوگوں کا خیال ہے کہ دونوں میں ٹکر ہوگی۔اس بابت شاہ رخ خان نے اپنے انداز میں جواب دیاکہ پہلے تو میں یہ کہہ دوں کہ یہ کلیش (ٹکراو¿) نہیں ہے۔ اور ان دونوں فلموں میں شامل زیادہ تر لوگ دوست ہیں۔چاہے میں پروڈیوس کروں یا سلمان اداکاری کریں۔تاہم انھوں نے یہ تسلیم کیاکہ ہاں بزنس منقسم ہو گیا ہے لیکن ہم لوگ اتنے اچھے دوست ہیں تو اب ہر چیز ساتھ ساتھ کریں گے۔ تو فلم بھی ساتھ میں ریلیز کریں گے اور کسی قسم کے ٹکراو¿ کی بات نہیں ہے۔انھوں نے آخر میں یہ بھی کہا کہ ’چونکہ سب ایک دوسرے کے قریبی ہیں اور ایک دوسرے کی عزت کرتے ہیں اس لیے بہترین بزنس حاصل کرنے کے لیے بات چیت کریں گے۔دوسری جانب سلمان خان نے بجرنگی بھائی جان کی کامیابی کا سہرا شاہ رخ اور عامر خان کے سر کیا ہے۔