نیو دہلی(نیوز ڈیسک)بالی ووڈ کے معروف اداکار اجے دیوگن کا کہنا ہے کہ وہ شاہ رخ کی نئی فلم دیوالی کا حصہ نہیں ہیں۔ شاہ رخ خان اور کاجل اپنی فلم دیوالی کی شوٹنگ کے سلسلے میں بلغاریہ میں ہیں۔ذرائع کے مطابق شاہ رخ خان اور اجے دیوگن بلغاریہ کے ایک ریستوران میں ایک ساتھ کھانا کھاتے دیکھا گیا ہے۔ اس مبینہ ملاقات کے بعد یہ افواہ اڑائی گئی تھی کہ اجے دیوگن بھی روہت شیٹھی کی فلم دیوالی میں اداکاری کرتے دکھائی دیں گے۔تاہم اجے نے ان تمام افواہوں کو مسترد کر تے ہو ئے کہا ہے کہ یہ محض اتفاق ہے۔ذرائع کے مطابق اجے دیوگن ان دنوں اپنی نئی فلم درشیم کی تشہیری مہم میں مصروف ہیں۔اس فلم میں انکے ساتھ اداکارہ تبو اداکاری کے جلوے بکھیریں گی۔ یاد رہے اجے کی فلم 31 جولائی کو رلیز ہو رہی ہے۔