ممبئی (نیوز ڈیسک) کاجول کا کنگ خان کے ساتھ کام کرنے پر اجے دیوگن کو اعتراض ہے، لیکن خبریں گرم ہیں کہ ان دونوں کی فلم ”دل والے“ میں اجے دیوگن مہمان اداکار کے طور پر جلوہ گر ہورہے ہیں۔اجے دیوگن کو ایک آنکھ نہیں بھاتا کہ ان کی بیگم صاحبہ کاجول ، بالی وڈ کے بادشاہ کی ہیروئن بنیں۔کھلم کھلا تو نہیں لیکن دبے دبے لفظوں میں اس پر کرچکے ہیں اعتراض اور یہاں تک کہ کاجول انہی کی وجہ سے کنگ خان کی ہیروئن بننے سے معذرت کرچکی ہیں۔بالی وڈ میں خبریں گرم ہیں کہ اب روہت شیٹی کی فلم” دل والے“ میں کوئی اور نہیں اجے دیوگن مہمان اداکار کے طور پر آئیں گے۔کہا جارہا ہے کہ ان کا یہ کردار چھوٹا سا ہوگا،جو فلم کی کہانی کو آگے بڑھائے گا۔ اب اجے دیوگن کے یہ مناظر، شاہ رخ خان کے ساتھ ہوں گے کہ نہیں اس کا علم نہیں۔