ممبئی (نیوز ڈیسک)رنبیر کپور کی بے رخی نے کترینہ کیف کو مایوس کر دیا ہے۔ بالی وڈ کی باربی ڈول کہتی ہیں کہ ان کی نہ تو کسی سے منگنی ہوئی ہے اورنہ ہی وہ کسی سے شادی کر رہی ہیں۔سولہ جولائی کترینہ کیف کی سالگرہ کا دن تھا۔ کہا جا رہا ہے کہ پچھلے سال ٹھیک اس دن رنبیر اور کترینہ کیف نے منگنی کی اور اب شادی کی تیاریاں ہیں لیکن لگتا ہے کہ رنبیر کپور بدل گئے ہیں، یہی وجہ ہے کہ کترینہ کیف بھی مایوسی کا شکار دکھائی دیتی ہیں۔ بھارتی میڈیا سے بات چیت کرتے ہوئے کترینہ کا کہنا تھا کہ ان کی ابھی کسی سے منگنی نہیں ہوئی، ساری خبریں بے بنیاد ہیں۔ جب ان سے شادی کا پوچھا گیا تو باربی ڈول کا کہنا تھا کہ آئندہ کئی سال تک ان کی شادی کا کوئی منصوبہ نہیں ہے۔ پرستاروں کو طویل انتظار کرنا پڑے گا۔