لاہور (نیوز ڈیسک)کرنسی سمگلنگ کیس میں گرفتار ہونے والی خوبرو ماڈل نے ضمانت پر رہائی ملنے کے بعد اپنے معمولات زندگی دوبارہ شروع کردیئے ہیں۔ ایان علی ان دنوں فرصت کے لمحات اپنے دوستوں کے ہمراہ گزار رہی ہیں اور انہوں نے اپنی ایک سیلفی بھی اپ لوڈ کی ہے۔ یہ سیلفی ان کی رہائی کے بعد پہلی تصویر ہے۔سوشل میڈیا پر ایان علی کے ذاتی اکاﺅنٹ سے جاری ہونے والی اس سیلفی میں ماڈل ایان علی کو متنازعہ ٹی وی شخصیت وقارذکا کے ساتھ خوشگوار موڈ میں دیکھا جا سکتا ہے۔ تصویر کے ہمراہ ایان علی نے لکھا ہے کہ یہ ان کی اپنے پاکستانی دوست اور باہمت وقار ذکا کیساتھ 4 ماہ کے بعد پہلی سیلفی ہے،اپنے ایک اورٹوئیٹ میں ایان علی نے لکھا ہے ان کے ساتھ جو کچھ ہوا وہ ایک سازش تھی۔