نئی دہلی (نیوز ڈیسک) بالی ووڈ اداکار نواز الدین صدیقی کے والد نواب الدین صدیقی انتقال کرگئے ہیں۔ مرحوم کی عمر72برس تھی اور وہ برین ہیمرج کے بعد طویل عرصے سے مفلوج تھے۔ نوازالدین کے خاندانی ذرائع کے مطابق نواب الدین سہارن پور کے ایک ہسپتال میں داخل تھے جہاں وہ گزشتہ روز انتقال کرگئے۔ نواب الدین ممبئی میں اپنے بیٹے کے ہمراہ رہتے تھے تاہم وہ عید الفطر کے سلسلے میںآبائی شہر آئے تھے۔ ان کی نماز جنازہ آج شام تک ادا کی جائے گی۔ امکان ہے کہ نواز الدین اس میں شرکت کریں گے۔ واضح رہے کہ نواز الدین کو حال ہی میں عید الفطر کے موقع پر ریلیز ہونے والی فلم بجرنگی بھائی جان میں چاند نواب کے کردار سے خوب شہرت ملی ہے، اور اس موقع پروالد کے انتقال کا صدمہ سہنا ان کیلئے بے حد دشوار ہوگا۔