لاہور( نیوز ڈیسک)لالی ووڈ سٹار ثناءنے اسٹیج اداکارہ خوشبو کی رہائشگاہ پر جا کر ان کے بھائی اور بھتیجی کے انتقال پر اظہار تعزیت اور فاتحہ خوانی کی ۔ اداکارہ ثناءجو ان دنوں لاہور میں مقیم ہیں نے عید الفطر کے دوسرے روز اداکارہ خوشبو کی رہائشگاہ پر جا کر انکے بھائی اور بھتیجی کے انتقال پر اظہار تعزیت اور فاتحہ خوانی کی ۔ثناءنے اس موقع پر خوشبو کی خیریت دریافت کی او رانکی جلد صحتیابی کے لئے بھی دعا کی ۔ یاد رہے کہ سہون شریف سے واپسی پر اداکارہ خوشبو کی گاڑی حادثے کا شکار ہو گئی تھی جس میں اداکارہ خود شدید زخمی جبکہ انکے بھائی اور بھتیجی کا انتقال ہو گیا تھا۔