ممبئی (نیوز ڈیسک) بالی ووڈ اداکار سلمان خان اور اداکارہ کرینہ کپور کی فلم بجرنگی بھائی جان شاندار بزنس کرنے میں کامیاب رہی ہے اور فلم نے پہلے ہی ہفتے میں 100کروڑ کلب میں شامل ہونے کا اعزاز حاصل کرلیا ہے۔ اس سلسلے میں ترن آدرش نے ایک ٹوئٹ کیا ہے جس میں انہوں نے دعویٰ کیا ہے کہ بالی ووڈ کے اچھے دن لوٹ آئے ہیں اور بجرنگی بھائی جان پہلے تین دن میں ہی 100کروڑ کا بزنس کرنے میں کامیاب ہوگئی ہے۔فلم ڈسٹری بیوٹرز کے مطابق بجرنگی بھائی جانب نے اپنی ریلیز کے دوسرے دن 36 کروڑ پچاس لاکھ کا بزنس کیا تھا۔ بالی ووڈ تاریخ میں یہ کسی بھی سپر سٹار کی فلم کے ایک دن کا تاحال سب سے بڑا بزنس ہے۔ اس سے قبل سلمان خان نے ہی فلم ایک تھا ٹائیگر کے ذریعے ایک دن میں32کروڑ کا بزنس دے کے ریکارڈ قائم کیا تھا۔ اس سے قبل افتتاحی روز فلم نے 27کروڑ پچیس لاکھ روپے کا بزنس کیا تھا۔