لاہور ( نیوزڈیسک) پاکستان تحریک انصاف کے چیئرمین عمران خان کی اہلیہ ریحام خان فوک گلوکار عارف لوہار کی ”جگنی “کی پرستار نکلیں۔ تفصیل کے مطابق عید الفطر کے دوسرے روز ریحام خان نے ایک نجی ٹی وی چینل کے شو میں شرکت کی جہاں گلوکار عارف لوہار بھی موجود تھے ۔ اس موقع پر ریحام خان نے عارف لوہار کی گائی ہوئی جگنی کی تعریف کرتے ہوئے کہا کہ میری گاڑی میں آپ کی سی ڈیز پڑی ہوئی ہیں جن میں خاص طور پر میں آپ کی جگنی بہت شوق سے سنتی ہوں جس کے جواب میں عارف لوہار نے کہا کہ یہ میرے لیے اعزاز کی بات ہے کہ آپ کو میری گائیکی پسند ہے ۔