لاس اینجلس (نیوز ڈیسک) ہالی ووڈ اداکارہ ڈیمی مور کے گھر میں واقع سوئمنگ پول سے نامعلوم مرد کی لاش ملی ہے۔ پولیس حکام کے مطابق نوجوان کی عمر21 سال کے لگ بھگ ہے اور یہ لاش اتوار کی صبح ملی ہے۔ لاش کی برآمدگی کے وقت اداکارہ ڈیمی مور اور ان کے اہل خانہ گھر پر نہیں تھے نیز مذکورہ شخص ان کے گھر کا فرد بھی نہیں ہے۔ اندازہ ہے کہ یہ نوجوان ڈیمی مور کے عملے میں شامل تھا تاہم وہ ڈیمی کی عدم موجودگی میں وہاں کیا کررہا تھا اور وہ کن حالات میں موت کا شکار ہوا، یہ جاننے کیلئے پولیس نے تحقیقات کا آغاز کردیا ہے۔مشہور ویب سائٹ ٹی ایم زیڈ کے مطابق ڈیمی مور کے مکان پر اس وقت پارٹی ہو رہی تھی اور اندازہ ہے کہ یہ شخص شراب کے نشے میں دھت ہوکے سوئمنگ پول میں گرا تاہم اسے تیرنا نہیں آتا تھا۔