ممبئی (نیوز ڈیسک)بالی ووڈ اداکار اجے دیوگن نے کہا ہے کہ شاہ رخ خان اچھے دوست نہیں بلکہ ساتھی اداکار ہیں۔ میڈیا اطلاعات کے مطابق گزشتہ دنوں دونوں اداکاروں نے یورپی ملک بلغاریہ میں ملاقات کی جس کے بعد دونوں میں اختلافات کے خاتمے کی خبریں میڈیا کی زینت بنی تھی، تاہم اجے دیوگن نے ان خبروں کی تردید کرتے ہوئے کہا کہ شاہ رخ خان اچھے دوست نہیں بلکہ ساتھی اداکار ہیں۔ شاہ رخ خان کےساتھ ملاقات بھی ساتھی اداکار کی حیثیت سے تھی۔ اجے دیوگن نے کہا کہ فلموں کی ریلیز سے متعلق ان کی اور شاہ رخ خان کی کوئی جنگ نہیں ہے۔