ممبئی (نیوز ڈیسک) بالی ووڈ اداکارہ ایشا دیول ان دنوں میڈیا کی نگاہوں سے ممکنہ حد تک بچنے کی کوشش کررہی تھیں جس کی وجہ سے چہ میگوئیوں کا سلسلہ بھی جاری تھا۔ اب ایشا کی میڈیا سے فاصلے پر رہنے کی وجوہات سامنے آگئی ہیں۔ دراصل ایشا دیول اپنی والدہ اداکارہ ہیما مالنی کو گزشتہ دنوں پیش آنے والے حادثے کے حوالے سے میڈیا کے کسی بھی چبھتے ہوئے سوال کا جواب نہیں دینا چاہتی ہیں، اور اسی لئے وہ میڈیا کو نظر انداز کررہی ہیں۔ایشا دیول کی احتیاط پسندی کا یہ عالم ہے کہ وہ ہیما مالنی کو حادثہ پیش آنے کے دو روز بعد باکس کرکٹ لیگ میں اپنی ٹیم کی ممبئی میں رونمائی کی تقریب میں بھی شامل نہ ہوئیں تھیں۔