ممبئی (نیوز ڈیسک ) بالی ووڈ نامور فلمساز ویپل شاہ نے فلم فورس” کا سیکوئیل بنانے کا اعلان کردیا ، فلم میں دبنگ گرل سوناکشی سنہا پہلی بار جان ابراہم کے ساتھ رومانس کرتی نظرائیں گی۔ معروف فلمساز ویپل شاہ اب فلم “فورس ” کا سیکوئل بنائیں گے۔ فلم کیلئے جان ابراہم کا نام تو پہلے ہی فائنل ہے لیکن اب سوناکشی سنہا کو بھی مرکزی کردار کیلئے منتخب کرلیا گیا ہے۔ دونوں س±پر سٹارز کی ایک ساتھ یہ پہلی فلم ہوگی۔ جان ابراہم کا کہنا ہے کہ وہ فلم کی شوٹنگ کیلئے خاصے پرجوش ہیں۔ فلم کی شوٹنگ رواں سال ستمبر میں شروع کی جائے گی جبکہ آئندہ سال فلم ریلیز کیلئے پیش ہوگی۔ دونوں کی جوڑی اب باکس ا?فس پر کیا گل کھلائے گی یہ تو وقت ہی بتائے گا۔