ممبئی (نیوز ڈیسک) بالی ووڈ اداکار ودیا بالن نے کہا ہے کہ چارلی چپلن کی بڑی مداح ہوں، ان کی خاموش فلموں میں دیکھنے والوں کیلئے اہم پیغام ہوتا تھا۔ ممبئی میں چارلی چپلن کو خراج عقیدت پیش کرنے کےلئے بنائی گئی آرٹ نمائش کے افتتاح کے موقع پر انہوں نے کہا کہ چارلی چپلن کی خاموش فلموں میں دیکھنے والوں کیلئے اہم پیغام ہوتا تھا، ا س سے کافی کچھ سیکھنے کو ملتا تھا، انہوں نے کہا کہ میں خود چارلی چپلن کی بڑی مداح ہوں، ممبئی میں لگائی گئی نمائش میں چین اور روس سمیت دنیا بھر سے آرٹسٹ کی بنائی گئی چارلی چپلن کی تصاویر رکھی گئی ہیں ۔ نمائش میں چارلی چپلن کے معروف فلمی کرداروں کو شائقین کےلئے پیش کیا گیا ہے ۔