لاہور(نیوز ڈیسک) میلوڈی کوئین گلوکارہ شاہدہ منی نے کہا ہے کہ حکومت غریب عوام کو رمضان المبارک میں ریلیف فراہم کرے ۔ میڈیا سے گفتگو کرتے ہوئے انہوں نے کہا کہ بھارت ، امریکہ ، انگلینڈ سمیت دیگر ممالک میں جب بھی رمضان کا مہینہ آتا ہے تو خصوصی ر عایتی پیکج متعارف کروایا جاتا ہے تاکہ مسلمان اپنے مذہبی تہوار کو بھرپور طریقے سے منا سکیں ۔ مگر ہمارے ملک میں رمضان آتے ہی ضررویات زندگی کی قیمتیں آسمان پر پہنچا دی جاتی ہیں یہ بہت دکھ کی بات ہے انہوں نے کہا کہ حکومت کو چاہیے کہ وہ ہر لحاظ سے غریب عوام کو ریلیف فراہم کرے ۔ انہوں نے کہا کہ پاکستان میں مہنگائی بہت بڑھ چکی ہے تمام کام ایک طرف رکھ کر مہنگائی کا خاتمہ ہونا چاہیے ۔